JAŃA OQÍW JÍLÍ QAShAN BASLANADÍ?

Búgingi kúnde dúnya júzi boylap tarqalıp atırǵan pandemiya sharayatında oqıw processiniń úzliksizligin támiyinlew, jáne studentlerdiń sapalı bilim alıwın metodikalıq jaqtan qollap-quwatlaw maqsetinde Nawayı mámleketlik kánshilik institutı Nókis filialınıń jańa 2020/2021 – oqıw jılında joqarǵı kurslar 2-kurs studentleri ushın aralıqtan onlayn tárizinde oqıtıw sentyabr ayınıń 2-sánesinen baslanadı.

Bunda filialımız tárepinen texnikalıq jaqtan hám oqıw baǵdarlamaların qayta tayarlawda keń kólemli ilajlar alıp barıldı. Filial professor-oqıtıwshıları sapalı hám joqarı bilim beriwde shólkemlestiriwshilik jumıslarına tayarlıqlar kórdi. 

Al, sentyabr ayında 2020/2021–oqıw jılı ushın barlıq jokarı oqıw orınlarına  abiturentlerdi qabıllaw boyınsha test hám baska da imtixanlar ótkeriletuǵınlıǵı sebepli 1-kurslar ushın oqıw 1-oktyabrde baslanıwı rejelestirilmekte.

Filial Baspasóz xızmeti.