«ҚУЎНАҚЛАР ҲӘМ ЗИЙРЕКЛЕР» ТАҢЛАЎЫНА МӘРҲӘМАТ

Студент-жаслардың оқыўдан бос ўақытларын мазмунлы шөлкемлестириў, қәбилетли жаслардың өз имканиятларын жарыққа шығарыў ушын шараятлар жаратыў мақсетинде Наўайы мәмлекетлик кәншилик институты Нөкис филиалы тәрепинен филиал бағдарлары арасында 2021-жыл 28-февраль күни «Қуўнақлар ҳәм зийреклер» таңлаўының быйылғы жылғы мәўсимин өткериў режелестирилген.

«Қуўнақлар ҳәм зийреклер» таңлаўы студент-жаслардың руўхый жақтан жетик, бәркамал, билимли, жетик қәниге болып жетилисиўлери ҳәм олардың бос ўақытларын мазмунлы өткериў сыяқлы ислерди әмелге асырады.

Сондай-ақ, таңлаўда қатнасатуғын командалардың мақсет ҳәм ўазыйпалары оқыў орынлары жасларының қызығыўшылығын муўапықластырған ҳалда қызықлы бағдарламалар таярлаў ҳәм кең жәмийетшиликке усыныўдан ибарат. Жаслар машқалаларын юмор ҳәм сатиралық жанрлар арқалы көрсетип бериў, жаслардың түрли темалар бойынша тез пикир жүритиўге бағдарлаў, соның менен бирге, жаслардың кеўилли дем алыўлары ушын қызықлы бағдарламалар менен шығыўлар шөлкемлестирип, олардың бул тараўдағы қәбилетлерин арттырыў болып табылады.

Жаслар менен ислесиў,
руўхый-ағартыўшылық бөлими.