Президентимиз Ш.Мирзиёевтың Олий Мажлиске мүрәжаты тыңланды

Усы жылдың 29-декабрь күни Наўайы мәмлекетлик кәншилик институты Нөкис филиалында Ѳзбекстан Республикасы Президенти Ш.Мирзиёевтың Олий Мажлиске Мүрәжаты тыңланды.

Туўрыдан-туўры онлайн тәризинде өткерилген бул тарийхый ўақыяны филиалдыӊ барлық жәмәәти, профессор-оқытыўшылары жоқары көтериӊкилик руўхында тамашалады.

Президент Шавкат Мирзиёев Олий Мажлиске Мүрəжатында 2021-жылға – «Жасларды қоллап-қуўатлаў, халықтың саламатлығын беккемлеў жылы» деп ат бериўди усыныс етти. Сондай-ақ, жоқары билимлендириў тараўында 2021-жылда мәмлекетлик грантлар саны 25 процентке асырылады. Мүтәж шаңарақтың қызлары ушын жоқары оқыў орынларында мәмлекетлик грантлар саны еки есеге асырылып, яғный 2 мыңға жеткериледи. Жоқары баҳалар менен оқып атырған мүтәж шаңарақтың қызлары ушын арнаўлы стипендиялар берилетуғынлығын атап өтти.

Және де, кейинги жылдан -«Физика» ҳәм «Шет тиллерин оқытыў» пәнлери әҳмийетли пән бағдарлары етип белгиленеди.

НМКИ Нөкис филиалы Баспасөз хызмети.