#Жаңа_Өзбекстан_мектеп_босағасынан_басланады

Өзбекстан Республикасы Президентиниӊ 2020-жыл 6-ноябрдеги «Өзбекстанныӊ жаӊа раўажланыў дәўиринде тәлим-тәрбия ҳәм илим тараўларын раўажландырыў ис-илажлары ҳаққында»ғы ПП-6108-санлы Пәрманында белгиленген ўазыйпалардыӊ орынланыўы бойынша Өзбекстан Республикасы Министрлер Кабинетиндеги 2020-жыл 22-ноябрь күни жоқары оқыў орынларына кириў имтиханларында төмен көрсеткишке ийе болған улыўма билим бериў мектеплерин жоқары оқыў орынларына бириктириў ҳәм олардағы тәлим сапасын еле де аттырыў бойынша Наўайы мәмлекетлик кәншилик институты Нөкис филиалына аталыққа бириктирилген Нөкис районындағы 10-санлы улыўма орта билим бериў мектебинде бүгин «Жаӊа Өзбекстан мектеп босағасынан басланады» сүрени тийкарында мастер класс ҳәм ашық сабақлар шөлкемлестирилди.

Филиалдың үлкен оқытыўшысы С.Габбаров информатика, филиал үлкен оқытыўшысы Б.Аметов физика пәнинен, филиал ассистент-оқытыўшысы Н.Нажимова химия пәнинен мектептиң питкериўши класс оқыўшылары ушын ашық сабақлар өткерди.

Ашық сабақлар даўамында филиал профессор-оқытыўшылары мектеп оқыўшыларын қызықтырған сораўларына жуўаплар берди.

НМКИ Нөкис филиалы Баспасөз хызмети.