АШЫҚ САБАҚЛАР ШӨЛКЕМЛЕСТИРИЛДИ

Усы жылдың 16-декабрь күни Наўайы мәмлекетлик кәншилик институты Нөкис филиалы Тәбийғый ҳәм улыўма кәсиплик пәнлер кафедрасы профессор-оқытыўшылары тәрепинен 2020/2021-оқыў жылы гүзги семестри даўамында өткерилетуғын Ашық сабақлар режесине муўапық ашық сабақлар болып өтти.

Онда геология пәнинен 1 А кәншилик иси қанигелиги студентлери ушын г-м.и.к, доцент К.Джаксымуратов геология пәнинен «Экзоген геологиялық процесслер» темасында ашық сабақ өткерди. Ашық сабаққа эксперт сыпатында ҚМУ география ҳәм тәбийғый ресурслар факультети деканы, г.и.к, доцент Н.Ембергенов қатнасты.

Сондай-ақ, 1 «Б» химиялық технология қәнигелиги студентлери ушын филиалдың үлкен оқытыўшысы С.Гаппаров информациялық текхнологиялары пәнинен  «Химиялық инженеринги ушын Exsel программасы» темасында ашық сабақ өткерип, онда эксперт сыпатында Өзбекстан мәмлекетлик көркем өнер ҳәм мәденият институты Нөкис филиалы оқытыўшысы С.Хожалепесов қатнасты.

Және де, 1 «А» машина қурылысы технологиясы, машина қурылысы өндирисин ислеп шығарыӯды үскенелеӯ ҳәм автоматластырыӯ қәнигелиги студент-жаслары ушын филиалдың стажёр-оқытыўшысы Ы.Ибраймов жоқары математика пәнинен «Әжайып лемитлер» темасынан ашық сабақ шөлкемлестирди ҳәм онда эксперт сыпатында ҚМУ оқытыўшысы И.Салиев қатнасты.

Сондай-ақ, 1 «А» машина қурылысы технологиясы, машина қурылысы өндирисин ислеп шығарыӯды үскенелеӯ ҳәм автоматластырыӯ қәнигелиги студент-жаслары ушын филиал оқытыўшысы Г.Дәўлетназарова Өзбекстанның ең жаңа тарийхы пәнинен «Экономикалық реформалар, жеке меншиктиң пайда болыўы, базар мүнәсибетлериниң раўажланыўы» темасында ашық сабақ шөлкемлестирди ҳәм онда эксперт сыпатында НМПИ докторанты Қ.Кеңесбаев қатнасты.

НМКИ Нөкис филиалы Баспасөз хызмети.