АШЫҚ САБАҚ БОЛЫП ӨТТИ

Усы жылдың 12-декабрь күни Наўайы мәмлекетлик кәншилик институты Нөкис филиалы Тәбийғый ҳәм улыўма кәсиплик пәнлер кафедрасы профессор-оқытыўшылары тәрепинен 2020/2021-оқыў жылы гүзги семестри даўамында өткерилетуғын Ашық сабақлар режесине муўапық физика пәнинен ашық сабақ болып өтти.

Филиалдың физика пәни үлкен оқытыўшысы Байрам Аметов 1-А химия-технология қәнигелиги студентлери ушын «Молекулалық-кинетикалық теория тийкарлары. Идеал газ нызамлары» темасында ашық сабақ өтти.

Б.Аметов ашық сабақты оқытыў барысында көргизбели материаллардан ҳәм “Машқалалы оқытыў” заманагөй педагогикалық технологияларының «Пикирлер ҳүжими»,  «Бумеранг», «Скарабей» усылларынан пайдаланып, оғада  қызықлы ҳәм мазмунлы өтти.

Ашық сабақта Әжинияз атындағы НМПИ  “Мийнет тәлими ” кафедрасының баслығы, техника илимлериниң докторы Б.Даўлетмуратов эксперт сыпатында қатнасты.

НМКИ Нөкис филиалы Баспасөз хызмети.