ЖАӉА ӨЗБЕКСТАН МЕКТЕП БОСАҒАСЫНАН БАСЛАНАДЫ

Өзбекстан Республикасы Президентиниӊ 2020-жыл 6-ноябрдеги «Өзбекстанныӊ жаӊа раўажланыў дәўиринде тәлим-тәрбия ҳәм илим тараўларын раўажландырыў ис-илажлары ҳаққында»ғы ПП-6108-санлы Пәрманында белгиленген ўазыйпалардыӊ орынланыўы бойынша Өзбекстан Республикасы Министрлер Кабинетиндеги 2020-жыл 22-ноябрь күни жоқары оқыў орынларына кириў имтиханларында төмен көрсеткишке ийе болған улыўма билим бериў мектеплерин жоқары оқыў орынларына бириктириў ҳәм олардағы тәлим сапасын еле де аттырыў бойынша Наўайы мәмлекетлик кәншилик институты Нөкис филиалына аталыққа бириктирилген Кегейли районындағы 24-33-санлы улыўма ортра билим бериў мектеплеринде «Жаӊа Өзбекстан мектеп босағасынан басланады» атамасында илажлар болып өтти.

Илажда филиалдыӊ Оқыў ҳәм тәрбиялық ислер бойынша директор орынбасары Д.Жумамуратов, Тәбийғый ҳәм улыўмакәсиплик пәнлер кафедрасы баслығы К.Джаксимуратов, филиал баспасөз хаткери Р.Арзиевлар тәрепинен мектеп жәмәәтлерине филиал ҳаққында кең түрде мағлыўматлар берилди. Сондай-ақ, Тәбийғый ҳәм улыўмакәсиплик пәнлер кафедрасының үлкен оқытыўшысы Б.Аметов тәрепинен физика пәни бойынша мастер-класс ҳәм «Ашық сабақ»лар өтилди.

Илаж барысында филиал тәрепинен мектеплерге анық ҳәм тәбийғый пәнлер бойынша керекли болған илимий китаплар, оқыўлықлар саўға етилди.

НМКИ Нөкис филиалы Баспасөз хызмети.