СӘНЕ МҮНӘСИБЕТИНЕ АРНАЛҒАН ИЛАЖ

ӨзЛиДеП Қарақалпақстан Республикалық Кеңесиниң «Жаслар қанаты» тәрепинен «Тарийхымсаң, тәғдиримсең, келешегимсең ана тилим!» сүрени астында Наўайы мәмлекетлик кәншилик институты Нөкис филиалының студент-жаслары менен ушырасыў шөлкемлестирилди.

Быйыл Қарақалпақстан Республикасының «Мәмлекетлик тил ҳаққында»ғы Нызамының қабыл етилгенине отыз бир жыл толады. Бул тарийхый ҳүжжетке көре, өткен жыллар даўамында қарақалпақ тили беккем ҳуқықый тийкар ҳәм жоқары статусқа ийе болды.

Илажда филиалдың Жаслар менен ислесиў, руўхыйлық ҳәм ағартыўшылық бөлиминиң баслығы Н.Қыдырниязов, ӨзЛиДеП Қапрақалпақстан Республикасы Кеңеси жаслар менен ислесиў бөлиминиң баслығы Ч.Елмуратов, ӨзЛиДеП Нөкис қалалық Кеңесиниң қәнигеси М.Сагынбаев шығып сөйлеп, бәршени байрам менен қутлықлады.

НМКИ Нөкис филиалы Баспасөз хызмети.