«ЗАКОВАТ» ИНТЕЛЛЕКТУАЛ ОЙЫНЫ БИРИНШИ ТУР БАСҚЫШЫ

Усы жылдың 20-ноябрь күни Наўайы мәмлекетлик кәншилик институты Нөкис филиалында Өзбекстан жаслар аўқамы филиал басланғыш шөлкеми тәрепинен өткерилген «Заковат» интеллектуал ойыны I тур басқышы болып өтти.

Оны филиалдың Жаслар менен ислесиў, руўхыйлық ҳәм ағартыўшылық бөлими баслығы Н.Қыдырниязов кирис сөз бенен ашты ҳәм «Заковат» ойынының әҳмийети ҳаққында, студентлер арасында китапқумарлық мәдениятын қәлиплестириў, олардың ой-өрисин еле де кеңейтиў, талантлы ҳәм де билимли жасларды анықлаў мақсетинде өткерилип атырғанлығын филиал студентлерине айтып өтти ҳәм қатнасыўшы командаларға әўмет тиледи.

«Заковат» турнириниң I-басқышына филиал 1-курс студентлеринен дүзилген 6 команда қатнасты. Барлық ойынлар төрешилер тәрепинен әдил баҳаланып, жуўмағында 1-орынды «Инженерлер» командасы жеңип алды.

Жеңимпаз командаға филиалдың Жаслар аўқамы басланғыш шөлкеми тәрепинен диплом менен сыйлықланды.

НМКИ Нөкис филиалы Баспасөз хызмети.