«Директор кубогы» спорт жарысы

Усы жылдыӊ 5-ноябрь сәнесинде Наўайы мәмлекетлик кәншилик институты Нөкис филиалы студент-жаслары арасында саламат турмыс тәризин кең үгит-нәсиятлаў, оларды турақлы спорт түрлери менен шығылланыўлары ушын шараятлар жаратып бериў, спортқа деген қызығыўшылықларын еле де арттырыў мақсетинде филиалдыӊ 1-курс студент-жаслары арасында спорттың мини-футбол түри бойынша “Директор кубогы” жарыслары болып өтти.

Жарыс өз ара кескин беллесиўлер руўхында өткерилип, бунда қатнасқан бәрше студент-жаслар ашық спорт майданшасында өз ара беллести.

Жарыс жуўмағына бола 1-орынды 1-А Машина қурылысы технологиясы, машина қурылысы өндирисин ислеп шығарыӯды үскенелеӯ ҳәм автоматластырыӯ қәнигелигиниӊ студентлери жеӊип алды ҳәм «Директор кубогы»н қолға киргизди. 2-орынды 1-А Кәншилик иси қәнигелиги студентлери, 3-орынды 1-А Технологиялық процесслерди ҳәм өндиристи автоматластырыӯ ҳәм басқарыӯ (тараӯлар бойынша) қәнигелигиниӊ студент-жаслары ийеледи.

Сондай-ақ, жарыс жуўмағы бойынша «Еӊ жақсы ойынша» номинациясы бойынша 1-А Машина қурылысы технологиясы, машина қурылысы өндирисин ислеп шығарыӯды үскенелеӯ ҳәм автоматластырыӯ топары ойыншысы К.Мырзамбетов сыйлықланды.

Жеӊимпазларды сыйлықлаў мәресимине филиал директоры Ф.Худойбердиев ҳәм басқалар қатнасты.

НМКИ Нөкис филиалы Баспасөз хызмети.