МУДАМЫ ҲҮРМЕТТЕСИЗ, ӘЗИЗ УСТАЗЛАР!

Дүньядағы ең уллы, абырайлы ҳәм мақтанышлы кәсип ийеси болған Муғаллимлер ҳәм устазлардың улыўмахалықлық байрамы Наўайы мәмлекетлик кәншилик институты Нөкис филиалында да «Мудамы ҳүрметтесиз, әзиз Устазлар!» атамасындағы онлайн форматта шөлкемлестирилди.

Ҳүрметли Президентимиз Шавкат Мирзиёев өзиниң байрам қутлықлаўында: «Исенимимиз кәмил, халқымыз зыялыларының ең алдыңғы ўәкиллери болған Сиз, ҳүрметли муғаллим ҳәм устазлар мәмлекетимизде жәмийетлик-мәнаўий орталықты жақсылаў, жаслар арасында саламат турмыс тәризин тәмийинлеў, жәмийетимизде тынышлық ҳәм татыўлықты беккемлеў бойынша алып барып атырған ислериңизди сапа жағынан жаңа басқышқа көтериў, турмыста өзин ақлаған мектеп – шаңарақ ҳәм мәҳәлле бирлигине тийкарланған жәмийетлик система нәтийжелигин арттырыўда белсене қатнасып, бәршеге өрнек ҳәм үлги боласызлар!»-деп атап өткен еди.

Ҳақыйқатында да, устазлардың жасларымыздың қәлбине ҳәм сана-сезимине ана – Ўатанға мухаббат ҳәм садықлық туйғыларын сиңдириў, оларды түрли унамсыз иллетлерден сақлаў, кәмил инсан етип тәрбиялаў жолындағы пидәйы хызметлерин бәрше ата-аналар, кең жәмийетшилигимиз, пүткил халқымыз жүдә жақсы биледи ҳәм айрықша қәдирлейди.

Онлайн байрам тадбири филиал талаба-ёшлари томонидан таярланган байрамга бағишланган қўшиқлари билан давом этди.
Ўзининг кўз нурини, қалбини, қолаверса, бутун борлиғини бағишлаб, барчага эзгуликдан сабоқ берган, «Отангдек улуғ, онангдек меҳрибон» азиз устозларни ҳеч нарса билан қиёслаб бўлмайдиган машаққатли ва шарафли хизматларини халқимиз ҳеч қачон унутмайди.

Онлайн байрам илажында филиал директорыныӊ Оқыў ҳәм тәрбиялық ислери бойынша орынбасары Д.Жумамуратов, Қарақалпақстан Республикасы Министрлер Кеңеси Баслығының руўхый-ағартыўшылық жумыслары нәтийжелилигин арттырыў, мәмлекетлик тил ҳаққындағы нызам ҳүжжетлерине әмел етилиўин тәмийинлеў мәселелери бойынша кеңесгөйи П.Дабылов, Өзбекстан ҳәм Қарақалпақстан Жазыўшылары аўқамыныӊ ағзасы, шайыр Р.Отарбаев, Қарақалпақстан Республикасына хызмет көрсеткен артист Б.Пердебаев ҳәм басқалар шығып сөйлеп, улыўмахалықлық байрам менен бәршени қутлықлады.
Байрам илажы филиал студент-жасларыныӊ атқарыўындағы байрамға бағышланған қосықлары менен даўам етти.

Өзиниң – көзиниң нурын, қәлбин, қалаберсе, пүткил барлығын бағышлап, бәршеге жақсылықтан сабақ берген, «Атаңдай-уллы, анаңдай-меҳрибан» әзиз устазлардың, ҳеш нәрсе менен теңеп, салыстырып болмайтуғын машақатлы ҳәм шарапатлы мийнетлерин халқымыз ҳеш қашан умытпайды.

НМКИ Нөкис филиалы Баспасөз хызмети.