БАЙРАМҒА АРНАЛҒАН СПОРТ ИЛАЖЛАРЫ

Жақында Наўайы мәмлекетлик кәншилик институты Нөкис филиалында 1-октябрь – «Муғаллимлер ҳәм устазлар күни» байрамы алдынан филиалда жумыс ислеўши ҳаял-қызлар арасында спорттыӊ стол тенниси түри бойынша, ал, ерлер арасында мини футбол бойынша спорт илажы болып өтти.

Шөлкемлестирилген илаждың тийкарғы мақсети- филиал хызметкерлери, профессор-оқытыўшылары арасында саламат турмыс тәризин үгит-нәсиятлаў, оларды ғалабалық спорт түрлерине тартыўдан ибарат.

Спорт илажлары соңында белсене қатнасқанлар шөлкемлестириўшилер тәрепинен диплом ҳәм естелик саўғалары менен сыйлықланды.

Әлбетте, денетәрбия ҳәм спорт пенен шуғылланыўды тек бундай илажлар барысында ғана емес, ал, күнделикли әдетимизге айландырыўымыз керек. Себеби, «Спорт-саламатлық гиреўи»-деп бийкарға айтылмаған.

НМКИ Нөкис филиалы Баспасөз хызмети.